Këngëtarja shqiptare Bleona Qereti, prej ditësh e ka bërë publike mbështetjen e saj për presidentin Trump, në këto zgjedhje presidenciale.
E ftuar në emisionin ‘ABC’, Bleona tha që nuk ka logjikë që Trump të mos fitojë, dhe se e mbështet plotësisht atë.
Këngëtarja ndër të tjera ka deklaruar se është zyrtarisht e dashuruar me Richard Grenell, të dërguarin special të SHBA për dialogun Kosovë-Serbi.
“Grenell është një rockstar, dhe se është një fat i gjithë shqiptarëve”, është shprehur Bleona Qereti.
Vetë Richard Grenell, disa ditë më parë postoi një foto në Instagram së bashku me Bleona Qeretin, dhe shkoi përkrah fotos: Një super yll ndërkombëtar!
“E dua, jam zyrtarisht në dashuri me të. Është një rockstar, është një fat i gjithë shqiptarëve. Jam vajzë me fat që e kam takuar. E adhuroj. E kam ditur që Trump do fitojë. Nuk ka logjikë mos fitojë Trump. Kolegët e mi nuk kanë mundësi që të thonë atë që mendojnë. Unë jam e lirë. Marrëdhënia ime personale me të, nuk është arsyeja që po e mbështes. Amerikanët kanë pasur një jetë më të mirë”, është shprehur këngëtarja Bleona Qereti.
