Ish-kryeministri Sali Berisha, me anë të një shënimi në “Facebook” shkruan se kreu i qeverisë Edi Rama po përgatitet për azil politik.
Ish-lideri i PD-së, ka postuar një foto ku shikohet shtëpia e Kryeministrit dhe shkruan:
“Vilë në Surrel. Në mes të natyrës, e gërshetuar këndshëm mes drurëve frutorë, lumit, malit dhe pyllit me sipërfaqe bahçeje mbi 2000 metra katrorë dhe me sipërfaqe të brendshme 600 metra katrorë. Ambiente të bollshme, mobiluar këndshëm, vepra arti, dokumentacion i rregull hipotekar. Shitet për arsye emigracioni”.
Ky, reagimi i ish-kryeministrit ka ardhur në një moment kur studentët e universiteteve publike tashmë prej 8 ditësh janë ngritur në protestë masive. Ata kërkojnë plotësimin e kërkesave të tyre dhe nuk pranojnë të ulen për të biseduar me qeverinë.
