Dalin tjera detaje sa i përket seancës gjyqësore ndaj ish-ministrit të Brendshëm, Saimir Tahiri, e cila vijon tashmë prej disa orësh.
Sipas BalkanWeb, Saimir Tahiri nuk ka pranuar se ka lidhje me Habilajt, por ka pranuar se ishte ai që u ka shitur makinën.
Ndërkohë mësohet se është zbardhur edhe dëshmia e një oficereje policie, e cila ka pranuar se ka udhëtuar të paktën 10 herë me Habilajt drejt Italisë, teksa ka shtuar se ka një marrëdhënie speciale mes tyre dhe Tahirit.
“Tahiri ka deklaruar se nuk ka asnjë lidhje me Habilajt, por ka pranuar se iu ka shitur makinën. B. A., është një oficere policie, që ka udhëtuar të paktën 10 herë drejt Italisë me Habialjt, e cila ka thënë se kishte një marrëdhënie speciale mes tyre dhe sa herë Moisi Habilajt i përmendej emri i Saimir Tahirit, ai acarohej.
Prokuroria tha se bëhej fjalë për katër episode 2013, 2014 dhe 2015, dy prej të cilave janë më 2014.
Në momentin kur është sekuestruar droga në Babicë, Prokuroria kishte kërkuar masë për arrestimin e Tahirit, por ky i fundit kërkoi sqarime nga Prokuroria. Pati një debat të ashpër në atë kohë. Ishte vetë Tahiri, si asnjëherë më parë, që u ngrit në këmbë, duke sjellë një tabelë me të dhëna e fakte”, shprehet gazetarja e BalkanWeb.
Kujtojmë se pak orë më parë u mësua se Prokuroria kishte kërkuar 12 vite burg për Saimir Tahirin.
