Ish-ministri i Drejtësisë, Ylli Manjani, është zëri i radhës që i bashkohet reagimeve në masë ndaj videos virale ku zyrtarë të qeverisë shfaqen duke darkuar në një restorant luksoz në Dubai. Dje Rama reagoi për akuzave se gjatë vizitës në Dubai, ministrat kanë ngrënë një darkë luksoze në një restorant.
Kreu i qeverisë i ka kthyer përgjigje një prej komentuesve të tij, të cilit i ka shpjeguar se ministrat e tij nuk kishin paguar asgjë, pasi fatura ishte marrë nga pala mikpritëse.
Sakaq, Manjani gre shumë pikëpyetje se kush janë këta investitorë që na thërrasin në vendin e tyre dhe paguajnë darka super të shtrenjta. Ish ministri thotë më tej se investitorët zakonisht ftohen nga qeveria, pasi ajo ka nevojë. Dhe se kjo e fundit paguan shpenzimet e mikpritjes. Duke parë rastin, Manjani është i mendimit se kjo nuk duket aspak si histori investimesh. Sipas tij, është thjesht punë qejfi, për të cilin paguhet sipas xhepit.
Statusi
Pa dyshim argumenti “faturë e kripur” për kripën e Nusretit qëndron. Jo vetëm për mjedisin tonë ku varfëria është e lartë. Ku argument ishte i fortë edhe Gjermani, në janarin e vitit 2019, kur Frank Ribery u shfaq në të njëjtin restorant.
Në kushtet tona pyetjet shtohen, kur Kryeministri thotë se “darkën e paguan ftuesit me të cilët po negociojnë për investime”.
Vërtetë?!
Ç’na qenkan këto investitorë që na thërrasin në vendin e tyre dhe na paguakan darka super të shtrenjta?!
Investitorët zakonisht i fton qeveria, se ajo ka nevojë. Kjo e fundit paguan shpenzimet e mikpritjes. Ky është rregulli.
Ka edhe banka që kur duan të shesin kredi të ftojnë, por nuk të çojnë te Nusreti. Të ftojnë në bisedime, të ofrojnë dhe ushqim. Në rast suksesi edhe një restorant të mirë. Por jo si i Nusretit. Nuk na ka qëlluar ndonjë bankë e tillë deri më sot!
Pra nuk duket si histori investimesh kjo gjë. Qartësisht është punë qejfi, për të cilin paguhet sipas xhepit. Në këtë pikë nuk shoh ndonjë gjë të keqe. Kujt ja mban xhepi mund të hajë edhe tek Nusreti…
Problemi fillon te justifikimet.
Justifikohet si kalama i kapur në faj Kryeministri, por nuk arrin të mbulojë dot PAPËRGJESHMËRINË e vet dhe të zyrtarëve të qeverisë së Tij.
Dakord që ua mban xhepi atë qejf, por përse duhet të shesin pordhë në publik bash në kohën kur vendi gjendet në një fatkeqësi tjetër natyrore?!
Ha mish mor qerrata, po mos shit pordhë!
Ja, këtë papërgjegjshmëri nuk e mbulojnë dot!
Po që duan dhe mandat të përjetshëm qeverisës?!!!
