Dy persona janë prangosur në Elbasan, pasi akuzohen për plagosjen e një shtetasi. Rasti në fjalë ka ndodhur në lagjen “Dyli Haxhire”, ku dy shtetas, për motive të dobëta dhe në gjendje të dehur, kanë dhunuar shtetasin me inicialet V.B.
Policia thotë se “ngjarja ka ndodhur në lagjen “Dyli Haxhire”, ku shtetasti S.T., 23 vjeç dhe D.P., 40 vjeç, për motive të dobëta dhe në gjendje të dehur, kanë goditur me grushta e kanosur me fjalë shtetasin V.B., si dhe gjatë shoqërimit për në Komisariatin e Policisë Elbasan kanë kundërshtuar punonjësit e policisë”.
Materialet hetimore i kaluan Prokurorisë pranë Gjykatës së Shkallës Parë Elbasan, për veprat penale “Kanosja”, “Plagosja e lehtë me dashje”, “Kundërshtim i punonjësit të policisë së rendit publik”, dhe “Prishja e qetësisë publike”.
