Përfundojnë dy ndeshjet e grupit F. Hungaria ka befasuar Gjermaninënë “Allianz Arena”, teksa i ka mbyllur këto 90 minuta në barazim 2-2. Hungarezët zhbllokuan shifrat, pas një kundërsulmi të shpejtë të skuadrës së Rosit.
Sallai dha një krosim perfekt për Szalai, i cili mposhti Nojer me një goditje të bukur me kokë në hedhje.
Gjermanët barazuan në minutën e 66 me Havertz, por hungarezët u kthyen në avantazh dy minuta më vonë me Shafer.
Në ndeshjen tjetër, Portugalia dhe Franca janë ndarë në paqe, teksa këta të fundit kanë siguruar kualifikimin në raundin tjetër dhe vendin e parë në grup.
Kristiano Ronaldo kaloi në avantazh Portugalinë në minutën e 31 nga pika e bardhë e penalltisë. Ylli portugez u tregua i saktë. CR7 është lojtari i parë europian në historinë e Botërorit dhe Europianit që ka shënuar 20 gola në total në dy kompeticionet.
Kur mendohej se ndeshja do të mbyllej me fitoren e Portugalisë, Franca barazoi shifrat me Karim Benzema në minutën e 45+2.
Në pjesën e dytë Franca përmbysi shifrat sërish me Karim Benzema. Sulmuesi i Realit të Madridit mori një super asist nga Pogba dhe ndëshkoi pa problem Patricion. Në fillim u dyshua për pozicion jashtë loje, por VAR-i konfirmoi se goli ishte i rregullt.
Në minutën e 60, Kristiano Ronaldo ktheu baraspeshën., përsëri nga pika e bardhë e penalltisë.
