Policia italiane, ka shkatërruar një bandë italo-shqiptare, që merrej me trafikim të lëndëve narkotike. Në një grup prej 29 personash, mes tyre 3 shqiptarë janë vënë në pranga.
Sipas medias italiane Ciociaria Oggi, shtatë prej tyre u lanë në burg, dhjetë në “arrest shtëpie”, tre në “ndalim qëndrimi” dhe pesë të tjerët u lanë në masën “detyrim paraqitje”. Ndërsa për katër të tjerët u vendos që të lihen të lirë.
Nga shqiptarët, në burg u lanë Artan Cela, 46-vjeç, dhe Gualjot Isaj 38-vjeç, Olsjion Koka, 35 vjeç u la në arrest shtëpie.
Prokurori Frosinone Antonio Guerriero është shprehur se ky grup kishte një rrezikshmëri të lartë dhe kishin vënë në alarm banorët e Frosinone dhe të komunave rreth.
“Gjatë hetimeve u zbulua rrezikshmëria e grupit, të cilët me veprimtarinë e tyre të lulëzuar kriminale, kanë gjeneruar një alarm të dukshëm shoqëror në qytetin e Frosinone dhe komunat fqinje,” tha prokurori.
Sipas hetuesve ata përdornin një gjuhë me kode për të mos u kuptuar nga policia, por këta të fundit kishin ‘nuhatur’ se bëhej fjalë për diçka të paligjshme. Gjatë operacionit u sekuestruan dhe 5 kg kokainë me vlerë 200 mijë euro.
