Deputeti më i ri i Parlamentit, Kujtim Gjuzi mbrëmjen e djeshme ka folur në lidhje me disa probleme që po kalon kohët e fundit në jetën e tij bashkëshortore.
I ftuar në studion e emisionit “Të Paekspozuarit”, Gjuzi u shpreh se nuk është divorcuar, ndërsa shton se shkak për këto probleme është bërë vendimi për të marrë mandatin e deputetit.
Sipas tij, kunata nuk dakordësohej me këtë zgjedhje, sepse e quante tradhti ndaj Sali Berishës dhe për këtë shkak, për pak sa u nda nga gruaja.
“Nuk e kam bërë divorcin. Ka një moment presingu nga kunata por është qetësuar. Më tha kunata, ke tradhtuar Sali Berishën, se janë nga Shkodra dhe janë super demokratë. Kunata nuk mund të ndajë një çift bashkëshortësh, sepse intimidon familjen. Nuk jam as vagabond, as rrugaç. Gruaja e ka bërë tentativën për divorc, por unë kam bërë kallëzim për kunatën sepse më ka ofenduar pa masë”, tha Gjuzi.
