Familjarët dhe fqinjët e Flamur Duçit, 45-vjeçarit që u gjet i pajetë mëngjesin e sotëm pranë lokalit të tij dyshojnë se ai mund të jetë vrarë nga të afërmit e ish-gruas së tij, me të cilën kishte dy vajza.
Njëra nga fqinjët tha për “Report TV” se viktimën e kanë theruar dhe djegur. Ndërsa shtoi që sipas saj, vrasja ka ndodhur për çështje hasmërie.
“Ata ia kanë bërë. Gruaja është në Francë. Nuk i pëlqenin shqiptarët. Çfarë i kanë bërë. Ata e kanë bërë me nge, e kanë çarë me thika e kanë djegur. I vuajtur tërë jetën, çfarë i kanë bërë. Në 6 të mëngjesit ia kishin bërë. Ai ishte jashtë marketit trupit. Ça do i grabisnin, çfarë lekësh kishte ai, ku t’i gjente lekët. Kuptohet ajo punë hasmërie është, përderisa e kanë djegur.”
Viktima nuk rezulton të jetë person me precedente penale, ndërsa nga banorët e zonës njihej si njeri i qetë dhe pa probleme.
