Ditën e sotme është zhvilluar gjyqi ndaj Marjana Çmeta, ku një vit më parë helmoi me fostoksinë vjehrrën e saj, Lirie Lami.
Në Gjykatën për Krime të Rënda, Oltion Lami ka dëshmuar në seancën e sotme gjyqësore mënyrën se si e mori vesh vdekjen dhe më pas për vrasjen e nënës, nga videoja e Hoxhës.
Teksa po dëshmonte mbi ngjarjen, djali i viktimës, Oltioni, tha gjatë seancës se nëna dhe ish-gruaja kanë pasur konflikte edhe më herë, ndërsa shtoi se për këto konflikte prindërit ishin larguar nga shtëpia.
Sipas tij, ditën kur ndodhi vrasja, e ëma kishte shkuar tek shtëpia për të çuar qumështin.
Po ashtu, në gjykatë dhanë dëshmi edhe 6 të afërm të familjes Lami dhe dëshmitarë okularë, të cilët treguan se si e kishin gjetur të pajetë dhe me shenja në faqen e majtë, Lirie Lamin.
21-vjeçarja, Marjana Çmeta në rrëfimin që ka bërë para hoxhës, Hysen Shehu tregon se si e mashtroi vjehrrën 48-vjeç për të pirë “lëngun magjik”, që ishte helmi fostoksinë, në mënyrë që ato të mos konfliktoheshin më.
