Kur e gjithë vëmendja është përqendruar te koronavirusi, një tjetër sëmundje po merr përditë e më shumë jetë në Greqi.
Sipas mediave greke, plot 38 persona kanë humbur jetën si pasojë e komplikacioneve të rënda me shëndetin për shkak të gripit sezonal.
Viktimat janë shënuar që nga muaji tetor i vitit të kaluar e deri në ditët e para të muajit shkurt 2020. Organizata Botërore për Shëndetin Publik raporton se për një periudhë prej 5 ditësh, gripi sezonal i ka marrë jetën 15 personave.
Mësohet se deri më tani në spital janë shtruar 136 persona të cilët po trajtohen intensivisht. Nga të vdekurit, 17 janë burra dhe 21 janë gra.
