Ish-deputetja e PD-së, Grida Duma, e ftuar në emisionin ‘Java’ në RTSH, tha se kanë një strategji dhe një skenar për protestën që pritet të mbahet nesër. Ajo u shpreh se qytetarët presin ndryshime, dhe kjo do të arrihet duke përdorur mjetet demokratike.
Teksa vemendja e shtuar është edhe se si do të veprohet nesër, Duma shtoi se nuk mund të zbulojë asnjë detaj në lidhje me skenarin e protestës.
“Qytetarët presin ndryshim. Dhe ne jemi të detyruar t’ju japim ndryshimin duke përdorur mjete demokratike. Unë pak më parë isha në një zonë të Tiranës, dhe qytetarët duan të veprojnë.
Ne kemi marr përgjegjësinë për të krijuar institucionet e reja, dhe nuk do të lejojmë destabilizimin e vendit. Ne kemi marrë përgjegjësi të kontrollojmë simpatizantët tanë. Ne nuk jemi të autorizuar të tregojmë cila do të jetë strategjia. Normalisht e kemi një skenar”, thotë Grida Duma.
