Situata te aeroporti i Rinasit duket se po tensionohet pas grevës nga kontrollorët e kompanisë Albcontrol.
Mësohet se policia ushtarake dhe Forcat e Ndërhyrjes së Shpejtë kanë mbërritur në aeroport dhe po përpiqen të futen tek godina operacionale.
Shqipëria i ka të mbyllura të gjitha fluturimet hyrëse dhe dalëse nga Rinasi për një afat të pacaktuar.
Kjo për shkak se 65 kontrollorët e Albcontrol, një kompani me kapital 100% shtetërore, refuzuan të dilnin në punë pasi firmosën edhe deklaratën e paaftësisë në punë.
Ata kërkojnë që paga e tyre të vazhdojë si përpara pandemisë në mbi 4 mijë dollarë dhe për këtë kërkojnë ndërhyrjen e ministrisë së Energjisë dhe Infrastrukturës, Belina Balluku.
Greva e kontrollorëve ka rizgjuar dhe debatin politik në distancë mes Kryeministrit Rama dhe Presidentit Meta, me Ramën që e akuzon Metën si iniciator të grevës së bashku me Saliun.
