Brenda 24 orëve të fundit, në Greqi kanë humbur jetën edhe 2 persona të tjerë nga koronavirusi.
Sipas autoriteteve shëndetësore, numri i viktimave të shënuara nga COVID-19 ka shkuar në 83 në shtetin fqinj.
Ndërkohë raportohet edhe për 52 raste të reja infektimi, duke e çuar në 1,884 numrin total të rasteve me koronavirus.
Mediat greke bëjnë me dije se deri më tani janë kryer 32,500 teste te personat e dyshuar me koronavirus. Deri më tani në shtetin fqinj janë shëruar 269 persona nga koronavirusi, ndërsa 84 pacientë ndodhen në gjendje kritike për jetën.
Raportohet se mosha mesatare e viktimave në Greqi është 73 vjeç.
