Masat kufizuese në Greqi, për shkak të përhapjes së COVID do të zgjaten edhe një javë, pra deri në fund të muajit janar. Kjo deklaratë u bë nga Ministri i Shëndetësisë, Thanos Plevris. Ai tha se komisioni do të mblidhet sot, për të zyrtarizuar këtë vendim.
Komisioni do të mblidhet sot, tha ministri. Nga njëra anë duket se ka një përshkallëzim të mëhershëm në lidhje me rastet, por nga ana tjetër ka presion ndaj SHSK-së për shkak të mutacionit Delta. “Është logjike që të ketë zgjatje të masave për të paktën një javë”, theksoi ministri.
Komisioni po shqyrton të dhënat epidemiologjike
Të dhënat epidemiologjike shqetësojnë ende ekspertët e Komisionit, të cilët do të thirren të vendosin nëse zbatimi i masave do të përfundojë të dielën apo nëse ato do të zgjaten tërësisht apo pjesërisht. Propozimi do t’i njoftohet si gjithmonë qeverisë, e cila do të marrë vendimin përkatës.
Depërshkallëzimi i rasteve të evidentuara në raportet epidemiologjike të Organizatës Kombëtare të Shëndetit Publik (EODY) është një fakt epidemiologjik që lë të hapur në pamje të parë mundësinë e lehtësimit të kufizimeve. Megjithatë, përkeqësimi i treguesve të fortë, pra shtrimet në spital, intubimet dhe vdekjet, është një shqetësim i veçantë dhe më tepër kufizon debatin për heqjen e masave.
Burimi i lajmit: protothema. Pershtatur nga Tirana Today
