Ndonëse ishte paralajmëruar se prej ditës së sotme do të hapeshin kufijtë me Greqinë, një gjë e tillë nuk do ndodhë. Për shkaqe ende të paqarta, mësohet se do të lejohen të kalojnë vetëm punëtorët sezonalë.
Më herët, Ministria e Jashtme e Shqipërisë njoftoi se duke nisur nga sot, në Greqi do të lejoheshin të kalonin të gjitha kategoritë e udhëtarëve nga Shqipëria, si për qëllime familjare ashtu dhe turistike, por pika kufitare e Kapshticës vijon të jetë e mbyllur.
Burime nga dogana bëjnë me dije se lejohet të kalojnë vetëm punëtorët sezonalë të paktën deri më 28 qershor, dhe këta në një numër të kufizuar prej 400 udhëtarësh.
