Ministria e Jashtme greke ka shprehur mbështetjen ndaj qeverisë shqiptare, pas goditjes së tërmetit të fuqishëm që tronditi vendin. “Ne i shprehim solidaritetin dhe mbështetjen tonë qeverisë së Shqipërisë, dhe njerëzve të prekur nga tërmeti”, thuhet në një mesazh të postuar në Twitter.
Lëkundjet e tërmetit në Shqipëri kanë zënë vend të veçantë në mediat greke, të cilat kanë transmetuar video dhe fotografi të shumta me banorët e tmerruar të Tiranës dhe zonave përreth, si dhe me dëmet e shkaktuara.
Një tërmet i fuqishëm goditi Shqipërinë mesditën e djeshme. Tërmeti kishte epiqendër qytetin e Durrësit, por është ndjerë në të gjithë Shqipërinë. Pas kësaj lëkundje të fortë, pati dhe tronditje të tjera më të vogla. Dëmet materiale ishin të shumta, pasi numërohen qindra banesa të dëmtuara. Një tërmet i tillë, ka rënë për herë të fundit 30 vite më parë.
