Shënohet viktima e dytë nga koronavirusi në Greqi.
Bëhet me dije se viktima ishte një 90-vjeçar, i cili ishte shtruar në Spitalin Bodosakeio. Mediat greke raportojnë se pacienti erdhi nga Kastoria.
Ndërkohë mësohet se edhe dy të afërm të viktimës ndodhen të shtruar në të njëjtin spital pasi edhe ata janë prekur nga koronavirusi.
Deri më tani janë 190 raste të konfirmuara me koronavirus në Greqi. Kujtojmë se prej orës 10:00 të paradites së sotme Shqipëria mbyll kufijtë me Greqinë, për transportin ajror, detar dhe atë tokësor me autobus.
