Greqia ka ngritur një gardh dhe sistem vëzhgimi 40 km (25 milje) në kufirin e saj me Turqinë, pas shqetësimit për një rritje të emigrantëve nga Afganistani.
“Ne nuk mund të presim në mënyrë pasive, për ndikimin e mundshëm”, tha Ministri i Greqisë për Mbrojtjen e Qytetarëve, Michalis Chrisochoidis. “Kufijtë tanë do të mbeten të paprekshëm”, është shprehur më tej ai.
Komentet e tij erdhën pasi Turqia u bëri thirrje vendeve evropiane, të marrin përgjegjësinë për emigrantët afganë.
Në një bisedë telefonike me kryeministrin grek Kyriakos Mitsotakis, Presidenti i Turqisë Rexhep Tajip Erdogan tha se një rritje e njerëzve që largohen nga Afganistani, mund të përbëjë “një sfidë serioze për të gjithë”.
Greqia, e cila ishte në vijën e parë të krizës së emigrantëve të vitit 2015, kur më shumë se një milion njerëz që iknin nga lufta dhe varfëria në Lindjen e Mesme kaluan nga Turqia në BE, ka thënë se mund të kthejë çdo afgan që mbërrin ilegalisht në vend.
Burimi i lajmit: BBC. Përshtatur nga Tirana Today
