Greqia drejt normalizimit, ja çfarë pritet të ndodhë më 4 maj

Greqia futet në listën e vendeve që është prekur nga COVID-19.

Fatmirësisht, situata ka filluar të qetësohet dhe të shkojë kështu drejt normalizimit.

Ditën e sotme, shteti fqinj ka nisur të lehtësojë masat kufizuese, teksa ka vendosur të hapë zyrat e kreditimit dhe Gjykatës së Shkallës së Parë për raste të caktuara, ndërkohë javës tjetër priten akoma më shumë lehtësira.

Nga data 4 maj do të hapen edhe parukeritë ku do të lejohen vetëm 2 klientë brenda.

Ndërsa në fund të majit do të hapen restorantet, baret dhe kafenetë…vetëm me karrige jashtë.

Zëdhënësi i qeverisë greke, Stelios Petsas tha për gazetën “Kathimerini” se dalëngadalë do të hapen edhe bizneset e mëdha dhe kompanitë e kateringut.

Kujtojmë se deri më tani, Greqia regjistron gjithsej 2.517 raste me COVID-19 dhe 134 viktima.