Greqia ka bllokuar rreth 7 ton perime të prodhuara në Shqipëri, pasi kishin përmbajtje të lartë të produkteve kimike.
Sasia me perime është sekuestruar në fillim të tetorit; por pas analizave të kryera në datën 23 tetor ka rezultuar se perimet kishin përmbajte të lartë chlorpyrifos (pesticid).
Sekuestrimi i 6,995 kg perime u bë nga inspektorët e Ushqimit të Drejtorisë Rajonale Ekonomike dhe Veterinare të Njësisë Rajonale të Pireut, në bashkëpunim me Qendrën Rajonale të Blegtorisë.
Brenda pak kohësh, ky është rasti i dytë që Greqia bllokon produkte bujqësore shqiptare për të njëjtën arsye.
Sasia me perime e sekuestruar: 401 kuti specash me peshë 4,687 kg, 250 kuti kunguj me peshë 1,751 kg dhe 67 kuti domate me peshë 557 kg.
