Greqia ka marrë vendim për hapjen e shkollave në 11 janar. Lajmi është bërë i ditur nga zëdhënësi i qeverisë, Stelion Petsas.
Ai tha se pas marrjes së masave të reja izoluese, vendi në 11 janar do të jetë me numër më të ulët të infektimeve dhe nxënësit do të jenë të sigurt për t’u kthyer në shkollë.
“Qëllimi është të arrijmë, në mënyrë të sigurt, në 11 Janar, situatën më të mirë të mundshme epidemiologjike. Dhe kështu, nga 11 Janari, ka për të rënë përsëri zilja në të gjitha shkollat e vendit. Fëmijët të heqin qafe ngarkesën psikologjike të gjithë kësaj periudhe. Lërini mësuesit dhe profesorët tanë të takohen përsëri me funksionin e tyre. Dhe studentët e të gjitha niveleve të kthehen të sigurt në bankat e tyre. Në shtëpinë e tyre të dytë.
Ne qëndrojmë në shtëpi për këto ditë dhe më 11 janar kthehemi në situatën aktuale me shkollat tona të hapura. Rifillimi i mëtejshëm, gradual i aktivitetit ekonomik dhe shoqëror do të drejtohet nga evolucioni i të dhënave epidemiologjike. Të gjitha sëbashku!”, tha ai.
Në Greqi, duke filluar nga dita e sotme deri të hënën 11 janar, nga ora 9 në mbrëmje deri në 5 të mëngjesit do të jetë në fuqi shtetrrethimi dhe vetëm punonjësit e njerëzit që kanë nevojë për ndihmë mjekësore mund të dalin.
