Një 40-vjeçar shqiptar ka humbur jetën në Greqi, si pasojë e një aksidenti tragjik me makinë.
Ngjarja ka ndodhur në orët e para të mëngjesit në Trikala, ku sipas mediave greke, automjeti me të cilin po udhëtonte 40-vjeçari u përplas me një shtyllë betoni.
Mësohet se policia dhe ambulanca kanë arritur menjëherë në vendngjarje por ka qenë tepër vonë pasi shtetasi shqiptar kishte ndërruar jetë. Bashkë me viktimën në makinë, si pasagjer, ndodhej edhe një tjetër shtetas shqiptar, të cilit i është dhënë ndihma e shpejtë dhe është shoqëruar për të marrë ndihmë mjekësore.
Identiteti i viktimës nuk është bërë akoma i ditur, ndërsa shkak i aksidentit dyshohet se ka qenë shpejtësia e lartë. Grupi hetimor po vazhdon hetimet lidhur me këtë ngjarje.
