Një ngjarje e rëndë është regjistruar në Greqi, ku një 59-vjeçar shqiptar ka sulmuar me thikë një infermiere greke.
Shqiptari ka shtypur butonin për ndihmë, dhe menjëherë ka ardhur infermierja.
59-vjeçari e ka pritur atë pas derës, ndërsa e ka sulmuar me thikë. Pas krimit, shqiptari në fjalë ka vrapuar në korridoret e spitalit, duke u ngjitur në katin e katërt nga shkallët e sigurisë.
Sipas ‘Protothema’, 59-vjeçari një javë më parë i ishte nënshtruar një operacioni në pneumotoraks, ndërsa brenda dy ditëve duhej të linte spitalin.
Më pas është hedhur në hapësirën e brendshme të spitalit, duke gjetur vdekjen.
Mësohet se për 48 orë ai do të merrte fletë daljen, dhe nuk kishte të dhëna për probleme me shëndetin mendor.
Infermierja, nënë me dy fëmijë, ndodhet jashtë rrezikut për jetën. Ajo po kurohet për shkak të plagëve të rënda në kokë, kraharor, duar dhe këmbë.
