Greqi/ Mbi 70% e numrit të viktimave nga koronavirusi janë meshkuj

Ministria e Shëndetësisë në Greqi ka raportuar edhe 2 vdekje të tjera si pasojë e koronavirusit.

Kështu shkon në 138 numri total i viktimave të shënuara nga COVID-19 në vendin fqinj. Vetëm 36 prej viktimave kanë qenë gra (26,1%), ndërsa pjesa tjetër ishin burra. Mosha mesatare e personave që kanë humbur jetën nga koronavirusi në Greqi është 74 vjeç.

Ndërkohë në 24 orët e fundit janë regjistruar edhe 32 raste të reja infektimi, duke e çuar në 2,566 numrin total të të infektuarve.

Sipas Ministrisë së Shëndetësisë, 55.6% e të infektuarve në Greqi janë burra. Nga këto, 588 e rasteve (22.9%) konsiderohet se kanë të bëjnë me udhëtime nga jashtë dhe 1,262 (49.2%) janë kontakte.

Mësohet se 40 pacientë janë duke u trajtuar në intubacion, ndërsa mosha mesatare e tyre është 67 vjeç. Po ashtu mësohet se nga këto, 12 (30%) janë gra dhe pjesa tjetër janë burra. 87.5% kanë një sëmundje themelore ose janë mbi 70 vjeç.