Policia greke ka arrestuar një 29-vjeçar shqiptar, i cili e kishte kthyer apartamentin e tij në Selanik në një “supermarket” droge.
Sipas mediave greke, shqiptari dyshohet të ketë lidhje të forta me grupet kriminale në shtetin grek. Policia ndërhyri në shtëpinë e tij pas disa informacioneve që kishin siguruar.
Gjatë kontrollit, në banesën e 29-vjeçarit u gjetën rreth 10 kg kanabis të paketuar në qese të vogla gati për tu shpërndarë tek blerësit. Ai e kishte fshehur mallin e tij poshtë tapetit si dhe në jastëkë. Përveç lëndëve narkotike, shqiptarit iu gjet edhe një sasi prej 1200 eurosh.
