Vrasja e 20-vjeçares në Greqi nga ana e bashkëshortit, duket se ka patur ndikim edhe tek personat e tjerë të cilët kërcënojnë partneret e tyre. Një shqiptare në Greqi ka denoncuar burrin e saj, pasi i kishte thënë se do e vriste, siç bëri piloti me Carolinen.
Një shqiptar 39-vjeçar ka rënë në prangat e policisë greke në Rodos, për shkak se akuzohet se ka dhunuar bashkëshorten e tij 27-vjeçare. Nëna e dy fëmijëve të mitur, ka denoncuar në policinë greke burrin e saj, duke thënë se e ka dhunuar dhe madje e ka kërcënuar atë duke i thënë se do e vriste siç bëri Babis me Carolinën 20-vjeçare.
Ndër të tjera, mediat greke raportojnë se shqiptari ka kryer marrëdhënie seksuale me dhunë me bashkëshorten e tij, kundër vullnetit të saj. Pas arrestimit, 39-vjeçari nuk i ka pranuar akuzat, duke thënë se ka një keqkuptim. Në 10 vite martesë, çifti janë prindër të një djali 9-vjeç dhe të një vajze 6-vjeçe.
Sipas pretendimeve të gruas, burri shpesh herë i drejtohej me fjalë “ti je gruaja ime, dhe unë do të bëj çfarë të dua”.
