Kreu i Kuvendit, Gramoz Ruçi, ka shkuar në Fier dhe ka vizituar shkollën e mesme profesionale “Petro Sota”. Nga kjo shkollë, kryeparlamentari ka uruar të gjithë nxënësit për një vit të mbarë, dhe ka nderuar mësuesit.
“Shkolla “Petro Sota” përgatit numrin më të madh të profesioneve. Nderim mësuesve të mësonjëtoreve të Shqipërisë. Arsimi profesional nxit punësimin e rinisë. Punësoni më shumë vajza e djem. Më shumë të ardhura për gratë e vajzat”, thekson Ruçi.
Në ditën e parë të shkollës, ai vizitoi ambientet e brendshme. Ruçi u ndal edhe tek palestra, ndërsa nuk i shpëtoi tundimit për të bërë një gjuajtje me topin e basketbollit.
Pavarësisht përpjekjes për të shënuar, goditja ka dalë huq.
