Kryetari i Parlamentit të Kuvendit, Gramoz Ruçi, ka kritikuar politikën, duke u shprehur se është shumë pak tolerante ndaj fesë.
Gjatë fjalës së tij në konferencën e mbajtur në Tiranë me temë “Feja si instrument i Paqes”, ai u shpreh se jemi në vendin e duhur që të flasim për fenë si instrument i paqes.
“Unë mendoj se jemi në vendin e duhur që të flasim për fenë si instrument i paqes. Harmoni fetare është krenarie jonë kombëtare. Përse në politikanët jemi më pak tolerantë, madje nuk do ta teproja të thoja jotolerantë në krahasim me institucionet e besimeve fetare. Besimtarët tanë shqiptarë janë më shumë besimtarë të fesë se sa anëtare të institucioneve të tyre. Idetë dhe vlerat fetare mbizotërojmë mbi përkatësinë dhe anëtarësinë e institucionit e tyre. Kjo ka ndihmuar që besimtarët të gjejnë pika takimi me besimet e tjera. Politikanët besojnë më shumë te partia se sa tek sistemi demokratik. Shprehja e njohur: Kisha jote është edhe kisha ime” është plotësuar me shprehjet: xhamia ime është edhe xhamia jote apo “teqeja ime është edhe teqeja jonë”, tha ai.
Gramoz Ruçi: Ja çfarë e bën rajonin tonë më të dobët dhe më të thyeshëm
Ruçi komentoi edhe vendimin e Këshillit Evropian, për refuzimin e negociatave me Shqipërinë. Kryeparlamentari tha se shpreson që ky vendim i KE-së të mos ketë prapavijë fetare, por të jetë i bazuar në problemet e brendshme të vetë unionit.
“Nuk kemi asnjë provë që myslimanët kanë kontribuuar me pak se vëllezërit e besimeve të tjera për arritjet demokratike të vendit. Unë uroj që motivet e këtij qëndrimi të KE të jenë dyshimet e tyre për arritjet e reformave demokratizuese. Kam bindjet se vendimi i KE është vendim që nuk i përgjigjet realitetit. Ballkani Perëndimor ka një popullsi të konsiderueshme myslimane, është europian dhe një kontribuues i paqes dhe stabilitetit”, deklaroi Ruçi.
Mund të lexoni edhe:
Ngërçi i Kushtetueses/ Meta reagon sërish: Skandaloz presioni politik ndaj KED
