Gramoz Ruçi zgjidhet kryetari i ri i Kuvendit me 80 vota por, 40 kundër dhe një e pavlefshme. Monika Kryemadhi dhe Luan Rama nuk morën pjesë në votim. Partia Demokratike dhe Lëvizja Socialiste për Integrim deklaruan më parë se nuk do të votonin Ruçin për kryeparlamentar. Kreu i ri i kuvendit është zgjedhur me shumicë të thjeshtë. Ishte paralajmëruar më herët se Ruçi do të ishte kryetari i ri i kuvendit. Nuk duhet harruar se deputeti Ruçi është një nga deputetët më të vjetër të Republikës së Shqipërisë dhe me shumë legjislatura.
https://www.facebook.com/tiranatodaycom/videos/346319899146087/
Kandidati për kryetar të kuvendit zoti Gramoz Ruçi u propozua nga 55 deputet të Partisë Socialiste. Në sekretari u depozitua vetëm ky propozim dhe nuk ka pasur propozime të tjera. Për votimin e kryetarit u ngrit një komision prej 5 deputetësh të cilët monitoruan procesin e votimit që u zhvillua me fletë votimi. Kryetar i këtij komisioni ishte deputeti Anastas Angjeli.
Të drejtë vote kanë të gjithë deputetët e kuvendit. Deputetët pasi bënë betimin kanë të gjitha të drejtat ligjore për të marre vendime në Kuvend. Vendimi i parë që marrin është votimi i kryetarit të Kuvendit. Me votimin e kryetarit i hapet rruga formimit të qeverisë “Rama 2” dhe funksionimit të institucioneve legjislative dhe ekzekutive.
https://www.facebook.com/edirama.al/videos/10155125850051523/
