Përditësim– Policia e Shtetit përgënjeshtron lajmin se arrestimi i sotëm në Elbasan ka lidhje me grabitjen në Rinas. Burime të Policisë konfirmuan për Tirana Today, se operacioni i zhvilluar në Elbasan nuk ka lidhje me ngjarjen e së martës.
Më herët, në media u raportua se:
Tre ditë pas grabitjes së bujshme në Rinas, është ndaluar në Elbasan një person që dyshohet se ka lidhje me ngjarjen.
Bëhet fjalë për shtetasin me inicialet M.H., ndërsa më parë ka qenë punonjës i Policisë së Shtetit. Po ashtu, raportohet se atij i është gjetur lëndë narkotike në banesë, pas kontrollit.
Pas ndalimit, ai pritet që të merret në pyetje, për të hedhur më shumë dritë mbi grupin kriminal dhe ngjarjen e rëndë.
Policia e Shtetit ende nuk ka një deklaratë në lidhje me ndalimin e ish-policit në Elbasan.
Grabitja në Rinas/Vjen arrestimi i parë, një ish-polic
Një ish-punonjës policie në Elbasan është shpallur në kërkim, si bashkëpunëtor në grabitjen që ka ndodhur në Rinas.
Nga ekspertiza që është bërë rezulton se nga telefonatat që kanë bërë autorët, ky ka komunikuar me ta dhe ka elementë të bashkëpunimit.
Ndaj ish-policit është nxjerrë dhe një urdhër-kërkim, për të sqaruar pozicionin e tij.
