Policia e Shtetit bën me dije se ka vënë në pranga një person të pestë, lidhur me supergrabitjen në Rinas.
Ende nuk bëhen me dije detajet referuar personit të arrestuar, ndërsa ndalimi i tij është kryer në Bullgari.
Operacioni policor është finalizuar pak minuta më parë, dhe në pranga ka rënë personi i pestë i dyshuar si pjesëmarrës në grabitjen e 9 prillit. Ai është arrestuar në Bullgari dhe do të ekstradohet drejt Shqipërisë nën masa të forta sigurie.
Nga ana e uniformave blu vijon ende oporacioni për kapjen e grabitësve të tjerë, të përfshirë në këtë ngjarje, ku thuhet se u grabitën 6.5 milion euro.
