Autorët e vjedhjes së postës së Krujës mund të jenë përgjegjës dhe për një grabije të mëparshme në autostradën Tiranë-Durrës. Vetëm pak më parë është njoftuar se për vjedhjen e 110 milionë lekëve të postës janë arrestuar edhe tre persona të tjerë.
Bëhet fjalë për shtetasit Mark Caka, Bujar Tafa, Andi Paturri (Çerishti), si dhe roja i arrestuar më herët Besnik Parruca.
Sipas Balkanweb, Policia ka sekuestruar një pjesë të lekëve, disa automjete dhe armë. Për më tepër, njoftohet se janë shpallur në kërkim dhe 4 persona të tjerë.
I njëjti grup dyshoet se ka kryer edhe grabitjet e bankomateve në këtë zonë dhe në autostradën Tiranë-Durrës.
