Kryeministri Rama ka folur sot lidhur me operacionin për kapjen e grabitësve të kasafortës së pensioneve në Krujë. Duke vlerësuar punën e policisë, ai shkruan në Twitter se operacioni në fjalë, është një tjetër dëshmi kundër krimit të organizuar.
“Kapja e menjëhershme e autorëve të vjedhjes së kasafortës së pensioneve në Krujë, që zbardh edhe disa grabitje të të njëjtëve autorë, një tjetër dëshmi e rritjes së forcës goditëse të Policisë së Shtetit dhe gatishmërisë së saj për sprovën e afërt kundër Krimit të Organizuar&KÇK”, shkruan Rama.
Policia thotë se kemi të bëjmë me një grup të sofistikuar, ndërkohë që janë gjetur edhe një pjesë e parave të grabitura.
