Pesë shqiptarë kanë rënë në prangat e policisë greke, pasi dyshohet se vidhnin banesat e futbollistëve.
Sipas mediave greke, banda përbëhej nga 5 shqiptarë. Në bazë të të dhënave të policisë greke, tre prej personave të përfshirë në grup janë vëllezër, ndërsa është arrestuar edhe gruaja e njërit prej tyre. Gjithashtu, personi i pestë është i afërt me vëllezërit.
Mësohet se në pranga kanë rënë: Albert Gjergji, Agida Gjergji, Anton Gjergji, Nikolin Gjergji dhe Bardhok Gjergji.
Banda e grabitësve shqiptarë përdornin dy makina, njërën për grabitje dhe tjetrën për arratisje. Gjatë momenteve të grabitjeve, shqiptarët përdornin doreza dhe maska, ndërsa raportohet se dhe komunikimi i tyre ishte i koduar.
Ata akuzohen se kanë kryer së paku 33 grabitje banesash, nga të cilat 9 kanë qenë të disa futbollistëve.
