Futbolli gjithmonë dhuron emocione të veçanta në fushën e blertë. Prej vitesh jemi mësuar të shohim triumfe në sekondat e fundit, gjë që i çon tifozët dhe klubet në delir. Por goli në minutat e fundit për Giancarlo Maldonado, është kthyer në golin më të trishtë në karrierë.
Futbollit është plot me histori përballjesh të fëmijëve (në fushë) dhe prindërve të tyre (në stol si trajnerë), por ajo që ka ndodhur në Venezuelë është vërtet e pabesueshme.
Sulmuesi 36-vjeçar i Deportivo Tachira, i cili me golin e tij në minutat shtesë barazoi rezultatin ndaj Academia Puerto Cabello, e drejtuar nga babai i tij Carlos. Pasi shënoi, Maldonado nuk festoi, por shpërtheu në lot sepse ai gol bëri që skuadra e babait të tij të mos arrinte në zonën “playoff”.
Antes de dormir…
Qué les parece este golazo de Giancarlo Maldonado, viejo conocido del fútbol mexicano…
— Raúl Orvañanos (@RaulOrvananos) May 21, 2019
Gjithsesi, babai e lavdëroi pas ndeshjes, duke thënë se është krenar më shumë se kurrë për djalin e tij. “Në një vend ku vlerat kanë humbur, Giancarlo tregoi besnikëri ndaj klubit që përfaqëson dhe respekt ndaj futbollit”, tha Carlos Maldonado.
