Shpeshherë jemi mësuar të shohim supergola nga kampionatet më elitare në Botë, ose ndonjëherë mjaftohemi me golat që shënohen në kampionatin vendas. Por këtë herë një supergol është shënuar në Superligën e moshave, më saktësisht atë të U19.
Përballja e një jave më parë mes AAS (Albanian Ajax School) U19 dhe Partizanit U19 përfundoi me rezultatin 2-1 për kryeqytetasit, të cilën i morën edhe kreun e kampionatit AAS-së.
AAS është një akademi private futbolli në Shkodër, një nga disa sepse në qytetin e talenteve ka shumë të tilla. Në këtë ndeshje futbollisti i AAS, Mehdi Çoba ka shënuar një gol “alla Recoba”, lojtari ka ekzekutuar një goditje këndi me të majtën por topin e çoi në trekëndësh duke shënuar një supergol.
