Policia e Tiranës ka shpallur në kërkim një efektiv të Gardës, pasi dyshohet se në bashkëpunim me shtetas të tjerë, kanë goditur me sende të forta një person. Rasti në fjalë ka ndodhur një ditë më parë, e ndërsa personi i plagosur ndodhet nën kujdesin e bluzave të bardha.
“Policia e Tiranës ka shpallur në kërkim efektivin e Gardës së Republikës M.H., i dyshuar për veprën penale “Vrasja me dashje, e mbetur në tentativë”.
Ngjarja ka ndodhur në datë 24.12.2019 dhe materialet u referuan në Prokurorinë pranë Gjykatës së Shkallës së Parë Tiranë.
35 vjeçari dyshohet se në bashkëpunim me persona te tjerë (punohet për identifikimin e kapjen e tyre), kanë goditur me sende të forta një shtetas, i cili po merr ndihmën mjekësore”.
