Pas ndeshjes Laçi-Tirana, mësohet se presidenti i skuadrës së Laçit, Pashk Laska është shoqëruar në Polici, pas një konflikti në rrugë sapo mbaroi ndeshja me presidentin e Tiranës, Refik Halilin.
Sipas “Procesit Sportiv”, Halili e ka denoncuar në polici Laskën për goditje dhe më pas, policia e ka shoqëruar presidentin e Laçit në ambientet e komisariatit.
Kujtojmë se katër ditë më parë, sulmuesi i Tiranës, Michael N’Goo u konfrontua me presidentin e ekipit të Laçit, teksa kamerat e sigurisë së stadiumit “Selman Stërmasi”, tregojnë momentin se si ka nisur sherri.
