Këngëtarja shqiptare me famë ndërkombëtare, Ava Max, gjatë një interviste të dhënë për “Phoenix” ka folur rreth fëmijërisë së saj të vështirë, si dhe për paragjykimet që ka hasur për shkak të origjinës së saj.
Ajo shprehet se ndihet me fat që vjen nga një vend me femra të forta, ndërsa shton se shpesh herë është refuzuar nga të tjerët vetëm për faktin që është Shqiptare.
‘Ndihem vërtet shqiptare! Jam me fat që vij nga një vend me femra shumë të forta.
Nëna ime, tezja ime, gjyshja ime, ato gjithmonë ua kanë thënë atë që kanë menduar burrave të tyre. E kam parë këtë dhe më ka pëlqyer teksa e shihja duke u rritur. Kam qenë e bekuar.
Por, përmes muzikës, shpresoj që ta ndaj këtë me dikë që ndoshta nuk ka pasur diçka të tillë në jetën e vet. Jam ndjerë e refuzuar për faktin që isha shqiptare. Ndihesha paksa jashtë kornize kur jetoja në South Carolina’, tha Ava.
