Qëllohet për vdekje me thikë 59-vjeçari Fritz von Weizsäcker, djali i ish-Presidentit gjerman, Richard von Weizsäcker. Viktima po mbante leksion në një qendër spitalore në Berlin, ku punonte edhe si mjek kryesor.
Lidhur me këtë ngjarje, në pranga ka përfunduar një 57-vjeçar. Ndërsa një person tjetër ka mbetur i plagosur, në përpjekje për të ndaluar sulmin.
Pavarësisht ndihmës së menjëhershme dhënë nga kolegët e tij, Weizsäcker ndërroi jetë në vend.
Ai ishte i biri i një prej presidentëve më të vlerësuar të Gjermanisë, Richard von Weizsaecker. I cili drejtoi vendin nga 1984 deri në 1994. Ndërsa në vitin 2015, Richard von Weizsäcker ndërroi jetë.
