Leyla Moses-Ones ka vënë pikat mbi “I” për sa i përket zbatimit të ligjit për personat me aftësi të kufizuara. Ajo i është drejtuar qeverisë duke i bërë thirrje që të zbatohet ligji në mënyrë të përpiktë. “Çfarë thuhet në letër të ndodh realisht”.
Sipas saj, duhet të kapërcehet hendeku midis asaj që shkruhet në letër dhe aplikimit praktik i ligjit.
“Dhe ndërsa është arritur shumë, mbetet ende shumë hapësirë për përmirësim. Ligji duhet të kapërcejë hendekun midis asaj që ekziston në letër dhe çfarë ekziston në të vërtetë dhe që ndikon jetët e njerëzve. Thënë troç: asnjë nga këto nuk ka rëndësi përveç nëse praktika përputhet me politikat në mënyrë që realiteti i përditshëm i personave me aftësi të kufizuara të ndryshohet përgjithmonë”, tha Ones.
Një nga mesazhet e tjera të rëndësishme, ku Ones vuri theksin ishte punësimi i tyre. Sipas saj, shteti duhet të tejkalojë politikat partiake dhe të sigurojë mundësi reale punësimi për këtë grup të marxhinalizuar.
“Së pari, i bëj thirrje Qeverisë së Shqipërisë të sigurohet që legjislacioni i duhur të jetë i shkruar dhe i zbatueshëm. Mbrojtja e të drejtave të personave me aftësi të kufizuara është një përpjekje që duhet të tejkalojë linjat partiake dhe të bashkojë zyrtarët në një kauzë të përbashkët. Aftësia e kufizuar nuk diskriminon në bazë të përkatësisë politike dhe këtë nuk duhet ta bëjnë as ligjbërësit apo ligj zbatuesit: kjo është një çështje që i prek të gjithë.
Së dyti, ju bëj thirrje si individë të siguroheni që personave me aftësi të kufizuar t’iu jepen të njëjtat mundësi – në punë ose në kohën e lirë – si pjesa tjetër e shoqërisë. Jini proaktivë – shqyrtoni si mund t’i bëni bizneset dhe vendet tuaja të punës më të aksesueshme për njerëzit me aftësi të kufizuara. Mendoni se si praktikat tuaja të punësimit mund të përshtaten për t’iu dhënë personave me aftësi të kufizuara mundësi të barabarta për punësim dhe mundësi të barabarta për t’u trajnuar, për të mësuar dhe për të kontribuar në përparimin e Shqipërisë”, përfundoi Leyla Moses-Ones.
“1 në 3 gjyqtarë me pasuri mbi 250 mijë €”, Ambasada e SHBA jep paralajmërimin
