Ish-kryeministri Sali Berisha është thirrur që të dëshmojë në procesin gjyqësor ndaj ish-truprojës së tij, Izet Haxhisë, i akuzuar për vrasjen e Azem Hajdarit.
Mësohet se ndër dëshmitarët që do kërkohen të dëshmojnë është edhe Jaho Mulosmani dhe Ylli Rakipi.
Ndërkohë avokati i Haxhisë Idajet Beqiri, ka kërkuar që të pyeten motrat Aishe dhe Zylfie Haklaj, Muharrem Haklaj dhe Zenel Neza.
Izet Haxhia u arrestua në Turqi në vitin 2006. Ai u ekstradua në maj të këtij viti në Shqipëri për të vuajtur dënimin me 25 vite burg që ka marrë nga të gjitha shkallët e gjyqësorit shqiptar për bashkëpunim në vrasjen e deputetit Azem Hajdari.
