Kryeministri i Shqipërisë, Edi Rama teksa qëndron në Kosovë, ka folur në lidhje me pikat më të nxhehta të Kosovës, ndërsa si temë kryesor ishte themelimi i Gjykatës Speciale. Fuqizimi i kësaj gjykate, do të bëjë të mundur gjykimin e krimeve të kryera në Kosovë. Kreu i ekzekutivit është shprehur se Kosova dhe Shqipëri nuk duhet t’i bëjnë bisht drejtësisë pasi është një proces, i cili duhet të zbardhet.
Ndërkohë Rama theksoi se nëse Specialja do të ngrihet mbi raportet e Dick Marty, kjo do të ishte një padrejtësi e madhe për të gjitha ata luftëtarë, të cilët dhanë jetën e tyre në mbrojtje të a atdheut. Ndërkohë, Rama shtoi se në lidhje me këtë çështje e Gjykatës Speciale, ka shumë qëndrime të përbashkëta me Lëvizjen Vetëvendosje të Albin Kurtit.
“Nuk dua që të prodhoj në realitet atë që mendon Dick Marty. Nëse do zbatojmë një roman të tillë, do të ishte padrejtësia më e madhe për Kosovën dhe UCK-së. Kjo do të ishte e rëndë për gjakun e Adem Jasharit. Ky është qëndrimi im, kam shumë qëndrime të përbashkëta me Vetëvendosjen e Kurtit .Ne e kemi mbështetur gjykatën, edhe pse ka një absurditet, pasi duhej adresuar në kohë. Të ndërtohet një gjykatë pas luftës, por edhe pas Hagës, kjo eshte e tepert. Ne nuk duhet ti bëjmë bisht hoistorisë që kanë hije, por këto hije nëse janë ata që ka parë Dick Marty është problemi i atij , por nëse këto hije kane lidhje me realitetin, duhet të jepet e vërteta”-shtoi ai.
