Gjykata e Posaçme ka rrëzuar kallëzimin e djalit të ish-kryeministrit Berisha, Shkëlzen Berisha për Taulant Ballën. Gjykata nuk ka dhënë asnjë argument në lidhje me rrëzimin e kallëzimit. Balla ngriti akuzat lidhur me provat e publikuara për çështjen “CEZ” nga komisioni hetimor se Shkëlzen Berisha, ka shmangur taksat dhe se pasurinë e ka vendosur si sekser.
Këto deklarata të Ballës janë konsideruar shpifje nga ana e Shkëlzen Berishës. Në lidhje me këtë kallëzim, i cili fillimisht është bërë në Gjykatën e Krimeve të Rënda, kjo e fundit ka shpallur në atë kohë moskompetencë, duke e kaluar në dorë të Gjykatës Penale të Tiranës.
Kjo e fundit, duke qenë e paqartë në lidhje me kompetencën, ia ka kaluar Gjykatës së Lartë, e cila ka vendosur përfundimisht mbi kompetencën. Supremja ka vendosur që çështja të merret nën shqyrtim përfundimisht nga Gjykata e Posaçme.
