Gjykata e Krimeve të Rënda ka ndryshuar masën e sigurisë për ish-deputetin socialist dhe njëherësh ish-kreun e burgjeve, Arben Çukon.
Mësohet se Krimet e Rënda ka ndryshuar masën nga “arrest shtëpie” në “detyrim paraqitje”.
Çuko ra në pranga e policisë në kuadër të operacionit “VOL-VO4”, në 18 tetor të vitit të kaluar dhe mbi të rëndon akuza për “korrupsion” dhe “shpërdorim detyre”.
Kujtojmë se ish-deputeti ka kthyer dosjen për plotësim hetimesh duke i konsideruar ato të deritanishme të paplota dhe me mangësi në drejtim të provave.
Çuko, akuzohet se kur mbante postin e drejtorit të Burgjeve ka miratuar transferimin e të dënuarit Olsi Karagjozi kundrejt 3.000 eurove.
