Deputeti i opozitës parlamentare, Kujtim Gjuzi nuk heziton të hedhë kritika ndaj kryeministrit Edi Rama, të cilin e quan “kancer”, si dhe kryedemokratit Lulzim Basha, për të cilin thotë se ka përgjegjësi për 4 protestuesit që humbën jetën më 21 janar.
I ftuar në emisionin “45 minuta”, Gjuzi insiston se do të ndërtohet një qeveri teknike, që do të kryesohet nga deputetja e PS-së për Durrësin, Klodiana Spahiu. Sipas tij, ka ardhur momenti që vendi të udhëhiqet nga një femër.
“E ka vjedhur monarkinë në 1997 bashkë me Berishën. Nuk lanë parti tjetër. Edhe Lulzim Basha më thotë që ka parti tjetër konservatore dhe do bëj marrëveshje paraprake.
Kur i thashë që ke përgjegjësi për 4 të vrarë, Bashës nuk i erdhi mirë. Po ua them nuk mund të bëhet kryeministër një njeri që ka vrarë 4 veta. Mund të bëhet Spiropali, ose Klodiana e PS në Durrës (Klodiana Spahiu). Do të krijohet një qeveri akademikësh (teknike) Nuk kam ide të njëjta me Ramën.
Ne si konservatorë besojmë te Theçeri, Tansu Çilar. O Edo ti je 55 vjeç. unë jam 6-0. Të gjithë kryeministrat meshkuj e kanë çuar në prag lufte. Do të ishte mirë që të vendosej një kryeministre femër pas 33 kryeministrash”, deklaroi Kujtim Gjuzi.
