Anxhela Peristeri ka qenë e ftuar në emisionin “Ftesë në 5”, ku ka rrëfyer një moment mjaft të sikletshëm në skenë.
Këngëtarja tregoi për publikun një ngjarje ku ishte munduar që të kamuflonte dhe të fshihte dhimbjen që ndiente gjatë një performance: “Në një rast jam vrarë, të dyja gjunjët i kisha copë, gjak, edhe vazhdoja të këndoja në skenë”.
Ndër të tjera këngëtarja foli edhe për zhgënjimin më të madh në jetë: “Mbaj mend një fragment në të cilin jam mërzitur shumë, kur nuk kam kaluar për herë të parë tek finalja e ‘Këngës Magjike’, u mërzita dhe po qaja shumë”.
Ajo shtoi se gjithçka ishte e padrejtë, pasi sipas saj, ajo e meritonte plotësisht që të ishte në finale.
