Ministrja e Drejtësisë, Etilda Gjonaj deklaroi se çështjet e harruara në sistemin e drejtësisë si ”Gërdeci” dhe ”21 Janari” janë rikthyer për shqyrtim dhe do u shkohet deri në fund.
Gjatë fjalës së saj në Kongresin e Partisë Socialiste, Gjonaj u shpreh se po ndërtohet drejtësia e re e cila garanton shpresë dhe besim te qytetarët.
Ndër të tjera, Gjonaj tha se mazhoranca do të mbështesë rritjen e transparencës dhe aksesin e qytetarëve në sistemin e drejtësisë.
Etilda Gjonaj: “Ne po shembin drejtësinë e vjetër dhe po ndërton drejtësinë e re, që garanton drejtësi para ligjit, shpresë dhe besim te qytetarët. Reforma në drejtësi është një realitet sot. Pastrimi i sistemit prej gjyqtarëve dhe prokurorëve të korruptuar dhe të paaftë për të përmbushur këtë mision të nderuar, mbështetjen që i kemi dhënë institucioneve të reja të drejtësisë për t’i vërë funksionale.
Çështje që konsideroheshin ët harruara në sistemin e drejtësisë si Gërdeci, 21 janari janë rikthyer dhe ne besojmë se do t’i shkohet deri në fund. Miti i pandëshkueshmërisë është duke marrë një goditje të fortë dhe ky është vetëm fillimi i një rruge pa kthim. Ne do mbështesim rritjen e transparencës dhe aksesin e qytetarëve në sistemin e drejtësisë.”
