Policia e Shtetit ka ndëshkuar me masën administrative 3.000 lekë, 607 qytetarë të cilët u konstatuan se nuk kishin maskën mbrojtëse, për parandalimin e përhapjes së Covid-19.
Gjatë kontrolleve, janë shoqëruar në ambientet e Policisë, 11 shtetas që nuk kanë pranuar t’i tregojnë punonjësve dokumentin e identifikimit apo nuk e kanë pasur atë me vete, pas ndëshkimit me gjobë.
Ndërkohë, janë konstatuar 4 lokale, në ambientet e të cilëve kishte muzikë pas orës 20:00 dhe nuk respektoheshin protokollet e sigurisë që kanë si qëllim parandalimin e përhapjes së COVID-19.
Secili prej administratorëve të këtyre lokaleve është ndëshkuar me masën administrative 1.000.000 lekë.
Nga data 15 tetor, mbajtja e maskë u bë e detyrueshme në çdo ambient jashtë shtëpisë.
